29 март Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар маҳаллаи Боғистони ноҳияи Бобоҷон Ғафуров муассисаи таҳсилоти томактабии Баҳорро мавриди баҳрабардорӣ қарор доданд.

Бинои кӯдакистони Баҳор барои таълиму тарбияи 200 нафар пешбинӣ гардида, аз ҷониби Академияи илмҳои кишоварзии Тоҷикистон бо харҷи 4,7 миллион сомонӣ сохта, ба истифода дода шуд. Ин тадибири муҳим дар заминаи дастуру супоришҳои Сарвари давлат муҳатарам Эмомалӣ Раҳмон оид ба фарогирии бештари кӯдакон ба муассисаҳои таҳсилоти томактабӣ амалӣ гардид.

 Кӯдакистони Баҳор дар маҳаллаи Боғистони ноҳияи Бобоҷон Ғафуров нахустин муассисаи томактабӣ маҳсуб меёбад.

Зимни шоиносӣ маълум гардид, ки дар муассисаи таҳсилоти томактабии Баҳор дар 6 гурӯҳ имконияти мусоид барои таълиму тарбияи кӯдакон муҳайё буда, барои бозиву фароғат низ шароити зарурӣ фароҳам оварда шудааст.

Дар муассисаи томактабӣ барои ба таълиму тарбия фаро гирифтани кӯдакони аз 2 то 7 сола тариқи озмун 30 нафар мураббия ва парастори ботаҷрибаи соҳибмаълумот ҷалб карда шуда, таҳсил бо забони тоҷикӣ ва русӣ сурат мегирад.

Сарвари давлат муҳтарам Эмомалӣ Раҳмон зимни шиносоӣ бо шароиту имконоти мавҷудаи кӯдакистон барои дар рӯҳияи хештаншиносӣ тарбия намудани насли ояндасози кишвар дар беҳтар сохтани сатҳу сифати таълиму тарбия дар муассисаҳои таҳсилоти томактабӣ, инкишофи зеҳнии кӯдакон, забондонӣ ва дигар донишу малакаҳо ба масъулон дастуру супоришҳои мушаххас доданд.

Таваҷҷуҳи зиёд ва доимии Президенти Ҷумҳурии Тоҷикистон муҳтарам Эмомалӣ Раҳмон ба таълиму тарбияи кӯдакону наврасон боис гардид, ки дар тамоми гӯшаву канори кишвар садҳо боғчаву кӯдакистони нав сохта, мавриди истифода қарор дода шавад.

Ҳоло дар ноҳияи Бобоҷон Ғафуров 40 муассисаи таҳслоти томактабӣ амал менамояд ва фарогирии кӯдакон ба ин зинаи таҳсилот бе назардошти марказҳои инкишофи кӯдак бештар аз 20 фоизро ташкил медиҳад.

Иттилоъ дода шуд, ки дар замони соҳибистиқлолӣ бо маблағгузории Ҳукумати кишвар ва саҳмгузории соҳибкорон дар ноҳия 24 кӯдакистони наву замонавӣ мавриди баҳрбардорӣ қарор гирифта, дар муассисаҳои таҳсилоти томактабӣ шароит ва имконияти таълиму тарбия беҳтар гардидааст.

www.president.tj

    29 март Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷиҳати иштирок дар тантанаҳои ҷашни байналмилалии Наврӯз, вохӯрии сеҷонибаи Сарони давлатҳои Тоҷикистон, Узбекистон, Қирғизистон, шиносоӣ бо вазъи зиндагии мардум, рафти корҳои ободонию созандагӣ, ифтитоҳи як қатор иншооти муҳим ва мулоқоту суҳбат бо сокинон ба вилояти Суғд ташриф оварданд.

Дар Фурудгоҳи байналмилалии Хуҷанд Президенти Ҷумҳурии Тоҷикистон муҳтарам Эмомалӣ Раҳмонро раиси вилояти Суғд, дигар шахсони расмӣ ва гурӯҳи ҷавонон бо самимияти беандоза ва рӯҳияи болида истиқбол гирифтанд.

Манбаъ: www.president.tj

Ҳамдиёрони азиз!

Фарорасии Иди саиди Фитрро ба тамоми сокинони ноҳия самимона табрику муборакбод гуфта, ба ҳамагон тандурустӣ, хонаободӣ, рӯзгори босаодат, бахту иқболи баланд ва ба кишвари азизамон Тоҷикистони соҳибистиқлол сулҳу осоиши ҷовидонӣ орзу менамоям.

Дар раванди татбиқи сиёсати инсонпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки ҳадафи олии сиёсати мамлакатро таъмини зиндагонии шоистаи мардуми Тоҷикистон арзёбӣ намуданд, дар арафа ва рӯзи Иди саиди Фитр анҷом додани амалҳои хайру савоб, аз қабили дастгирии моддиву маънавии ятимону маъюбон, камбизоатону дармондагон ва пиронсолону муҳтоҷон аз ҷумлаи корҳое мебошад, ки дар ҷомеаи мо ба анъанаи нек табдил ёфтааст.

Дар баробари ин, бо ҷонибдорӣ аз сиёсати давлату Ҳукумат дар шаҳраку деҳоти ноҳия корҳои созандагию ободонӣ, аз қабили бунёди боғу токзор, таъмиру тармими мактабу кӯдакистон, бунгоҳи тиббӣ, беморхона, роҳу пулҳо зиёд гардида, таваҷҷуҳ ба сарфакорона истифода бурдани замин зиёд шудааст. Чунончи Пешвои муаззами миллат таъкид менамоянд, дар шароити имрӯза, ки бар асари гармшавии иқлим ва пайомадҳои ногувори он – хушксоливу камобии паёпай бисёр кишварҳои дунё аз норасоии маводи озуқа ва болоравии нархҳо танқисиву азият мекашанд, ҷиҳати бо маҳсулоти кишоварзӣ таъмин намудани бозори истеъмолӣ, фаровонии дастархони мардум ва ҳифзи амнияти озуқавории мамлакат, истифодаи оқилонаву самараноки обу замин ва афзоиш додани истеҳсоли маҳсулот аз ҳар яки мо масъулияти баланд ва заҳмати боз ҳам бештарро тақозо менамояд.

Ҳамчунин сокинони ноҳияро зарур аст, ки таъкидҳои дилсӯзонаву ғамхоронаи Пешвои муаззами миллат дар раванди зиракии сиёсиву худогоҳӣ, роҳ надодан ба фирефташавии ҷавонон ба ҳадафҳои ғаразноки гурӯҳҳои манфиатҷӯи экстремистиву террористӣ, арҷгузорӣ ба арзишҳои миллӣ ва ободу маъмур гардонидани Ватани аҷдодиамонро бояд сармашқи фаъолияти ҳамарӯза қарор дода, мулки ободу мутараққиро ба наслҳои оянда мерос гузоранд.

Итминони комил дорам, ки сокинони сарбаланди ноҳия минбаъд низ дар рушду шукуфоӣ ва ободии Ватани маҳбубамон заҳмат кашида, барои дар амал татбиқ намудани ҳадафҳои созандаи давлату Ҳукумат аз ҳарвақта бештар талош меварзанд.

Бо ҳамин таманниёти нек, бори дигар, ҳамаи Шумо мардуми сарбаланди ноҳияро бо фарорасии Иди саиди Фитр табрик гуфта, сиҳату саломатӣ, зиндагии орому осуда, ризқу рӯзии фаровон ва иқболи нек орзу менамоям.

Иди саиди Фитр муборак, ҳамдиёрони азиз!

     Чорабинии умуминоҳиявии сокинони ноҳия дар варзишгоҳи деҳоти Исфисор бо иштироки раиси ноҳияи Бобоҷон Ғафуров Салимзода Нусратулло, намояндаи Ҳукумати Ҷумҳурии Тоҷикистон Раҳимзода Султон, муовини раиси вилояти Суғд Ҷӯразода Ҷамшед ва дигар меҳмонони расмӣ дар сатҳи баланди ташкилию фарҳангӣ, намоиши ҳунарҳои мардумӣ, расму оинҳои анъанавӣ, баргузории бозихои варзишии миллӣ доир карда шуд. Барномаи рангини театрикунонидашуда, ҳунарнамоии санъткорону ҳофизони номӣ ва рақсу намоишномаҳои оммавии пурмазмуну ҷаззоб пешкаши иштирокдорон гардонида шуд

Дафтари матбуот ва иттилооти Мақомоти иҷроияи ҳокимияти давлатии ноҳияи Бобоҷон Ғафуров