Бо фарорасии фасли зебои сол - баҳори оламафрӯз, бо муҳаббату самимият ва дӯстдориву қадршиносӣ таҷлил намудани Рӯзи Модар гувоҳи он аст, ки давлату Ҳукумат ва ҷомеаи кишвари мо қадру манзалати Зан – модарро гиромӣ ва азиз медорад.

Дар ин замина, Кумитаи иҷроияи Ҳизби Халқии Демократии Тоҷикистон дар ноҳияи Бобоҷон Ғафуров, ҷиҳати арҷгузорӣ ва гиромидошти Зан-Модар чорабинии идона таҳти унвони “Аввалу анҷоми дунё бо номи Модар аст” баргузор намуд.

Дар чорабинӣ муовини раиси ноҳияи Бобоҷон Ғафуров ДилоромТурсунзода, Сайёра Акпархоҷаева, раиси Кумитаи иҷроияи Ҳизби Халқии Демократии Тоҷикистон дар ноҳияи Бобоҷон Ғафуров, собиқадорони ҳизбу меҳнат, занону модарони фаъол, раисони ташкилотҳои ибтидоӣ иштирок доштанд.

Нахуст, чорабиниро раиси Кумитаи иҷроияи Ҳизби Халқии Демократии Тоҷикистон дар ноҳияи Бобоҷон Ғафуров Сайёра Акпархоҷаева ифтитоҳ намуда, кулли занону модарон ва хоҳарону бонувонро ба ифтихори ҷашни пуршукӯҳи Рӯзи Модар самимона табрик гуфта, ба онҳо тансиҳатӣ, хушбахтиву саодатмандӣ ва рӯзгори хушу осуда орзу намуд. Ҳамчунин изҳор дошт, ки Ҳизби Халқии Демократии Тоҷикистон ҳамчун иқтидори пешбари ҷомеа, бахусус барои занону духтарон шоҳроҳи нав кушод. Ин нерӯи сиёсӣ аз нахустин солҳои фаъолият масъалаи баланд бардоштани мавқеи занонро дар меҳвари таваҷҷуҳ қарор дода, бонувони зиёдро дар зери як шиор ва як ҳадаф ба ҳам овард.

Дар сатҳи давлатӣ ҷашн гирифтани Рӯзи Модар нишонаи ­ эътибору эҳтироми зиёди Давлат ва Ҳукумати кишвар нисбат ба модарону занон ва гувоҳи равшани дар даврони соҳибистиқлолии кишвар ба мақому манзалати хоса соҳиб гаштани онҳо мебошад.

Сипас, муовини раиси ноҳияи Бобоҷон Ғафуров ДилоромТурсунзода, паёми шодбошии раиси ноҳия Салимзода Нусратулло Файзуллоро ба кулли иштирокдорон расонид. Дар навбати худ қайд намуд, ки дар воқеъ, Модар рамзи ҷовидонаи меҳру вафо ва идомабахши насли инсон аст. Модар аввалин шахсест, ки бо шири покаш ва бо меҳрубонии ба худаш хос дар қалби тифли худ хислатҳои неки инсониро парвариш карда, ӯро ба шоҳроҳи зиндагӣ раҳнамо месозад. Маҳз ба ҳамин хотир ҳар як фарди тарбиятдидаву оқил тамоми умри худро бо ҳастии модар пайванд медонад, ӯро дӯст медорад ва ранҷу азияти кашидаи модарро то лаҳзаи охирини ҳаёт қадршиносиву посдорӣ менамояд.

Дар интиҳои чорабинӣ барои болидаруҳии модарону бонувон аз тарафи бахши фарҳанги ноҳия барномаи фарҳангӣ ба намоиш гузошта шуд. Чорабинӣ дар фазои идона ба интиҳо расид.

Кумитаи иҷроияи ҲХДТ дар ноҳияи Бобоҷон Ғафуров

  "Кадбонуи беҳтарин" дар муассисаи таълимии коллеҷи тиббии ноҳия баргузор гардид. Озмуни ноҳиявӣ бо мақсади иҷрои банди 10- и "Ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаю ҳунарҳои мардумӣ дар ҶумҳурииТоҷикистон барои соли 2025", ки бо Амри Президенти Ҷумҳурии Тоҷикистон аз 2 январи соли 2025, амалишавии Нақшаи амал барои солҳои 2025-2026-и "Барномаи давлатии рушди оила дар Ҷумҳурии Тоҷикистон барои солҳои 2024-2028", ки бо қарори Ҳукумати Ҷумҳурии Тоҷикистон аз 1 марти соли 2024, #136 тасдиқ шудааст, доир гардид.

Дар баргузории озмун муовини раиси ноҳия Дилором Турсунзода, мудири шуъбаи кор бо занон ва оилаи Мақомоти иҷроияи ҳокимияти давлатии ноҳияи Бобоҷон Ғафуров - Ӯғулой Ҳоҷибоева, раиси Шурои занону духтарони коллеҷи тиббӣ - Нодира Шарипова ва занону бонувони фаъол иштирок ва суханронӣ намуда, аз рафти омодакунӣ ва намоиши таомҳои миллӣ ва муосир дидан намуданд. Озмуни мазкур дар сатҳи баланди фарҳангӣ, тарбиявӣ эҳё ва рушди ҳунарҳои мардумӣ ва омода намудани духтарон ба рӯзгордориву оиладорӣ гузаронида шуд.

Мақомоти иҷроияи ҳокимияти давлатии ноҳияи Бобоҷон Ғафуров

     Тибқи нақшаи муштараки сохторҳои дахлдори Мақомоти иҷроияи маҳаллии ҳокимияти давлатии ноҳияи Бобоҷон Ғафуров баҳри иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Паёми хеш ба маҷлиси Олии Ҷумҳурии Тоҷикистон, санаи 28 декабри соли 2024 баён доштанд, бо мақсади беҳтар намудани корҳои таблиғотӣ, баланд бардоштани маърифати ҳуқуқии шаҳрвандон ва худшиносию ватанпарастии наврасону ҷавонон, пешгирии шомилшавии ҷавонон ба ҳизбу ҳаракатҳои ифротӣ, аз ҷумла муқовимат ба экстремизм ва терроризм, амалҳои коррупсионӣ, майзадагӣ, нашъамандӣ, никоҳи бармаҳал, ҷудошавии оилаҳои ҷавон, худкушӣ ва суиқасд ба ҷони худ, даъвати ҷавонон ба сафи Қувваҳои Мусаллаҳи кишвар, эҳтиром ба фарҳанг ва сару либоси миллӣ, таъмини фазои одобу ахлоқи ҳамида дар ҷомеа ва дигар масъалаҳои ҷорӣ бо шумораи зиёди омӯзгорону волидон ва хонандагон дар маҷлисгоҳи муассисаҳои таҳсилоти миёнаи умумии № 10 мулоқот баргузор карда шуд.

Мулоқотро муовини Раиси ноҳия Дилором Турсунзода оғоз бахшида, оид ба нуктаҳои асосии Паёми навбатии Пешвои миллат сухан кард.

Инчунин, дар мулоқот мудири шуъбаи маорифи ноҳия Махсуда Абдуллозода, мудири шуъбаи кор бо занон ва оилаи мақомоти иҷроия ҳокимияти давлатии ноҳия Ӯғулой Ҳоҷибоева, мудири бахши кор бо ҷавонон ва варзиши мақомоти иҷроияи ҳокимияти давлатии ноҳия Баҳриддин Баҳодурзода, сармутахассиси ҳифзи ҳуқуқи кӯдак дар назди мақомоти иҷроияи ҳокимияти давлатии ноҳия Фахриддин Болтуев, сартабиби маркази саломати деҳоти Ёва иштирок иштирок ва суханронӣ карданд.

Қайд карда шуд, ки Ҳукумати мамлакат таҳти роҳбарӣ ва сиёсати ғамхоронаву маорифпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сарфи назар аз мураккабиҳо ва мушкилоти замони гузариши Ҷумҳурии Тоҷикистон ба низоми давлатдории навин низоми маориф ва илмро соҳаи афзалиятнок ва калидии давлат дониста, мавриди пуштибонии махсус қарор додаанд. Тайи солҳои охир барои ба танзим даровардани фаъолияти муассисаҳои таълимӣ дар самти фарогирии наврасону ҷавонон ба омӯзиш, пешбурди раванди таълим ва тайёр намудани мутахассисони донищманд санадҳои меъёрӣ-ҳуқуқӣ таҷдиди назар карда шуда, таҳияву тасдиқ гардиданд.

Имрӯз давлату Ҳукумати Ҷумҳурии Тоҷикистон тамоми шароити муасиру заруриро фароҳам овардааст, танҳо аз муҳасилин тақозо мегардад, ки барои аз худ намудани илмҳои замонавӣ сидқан талош намоянд. Ҳамчунин, масъулинро зарур меояд, ки барои баланд бардоштани сатҳи маърифатнокии шаҳрвандон саҳмгузор бошанд. Дар ин ҷода зарур аст, робитаи омӯзгор, волидайн ва хонанда дар муассисаҳои таълимӣ дуруст ба роҳ монда, шаванд.

Дафтари матбуот ва иттилооти Мақомоти иҷроияи ҳокимияти давлатии ноҳияи Бобоҷон Ғафуров

    Дар асоси нақшаи муштараки сохторҳои дахлдор бо иштироки мудири шуъбаи кор бо занон ва оилаи Мақомоти иҷроия ҳокимияти давлатии ноҳия Ӯғулой Ҳоҷибоева, мудири бахши кор бо ҷавонон ва варзиши мақомоти иҷроияи ҳокимияти давлатии ноҳия Баҳриддин Баҳодурзода, мушовирони шуъбаи маориф Махфират Обидова ва Назокат Каҳҳорова дар муассисаи таълимии №31-и Ҷамоати деҳоти Ёва бо иштироки падару модарон ва омӯзгорон мулоқоти судманд бо усули "Мактаб ба мактаб " баргузор гардид.

Маърӯзачиён оид ба масоили мубрами рӯз, аз ҷумла баланд бардоштани сатҳи дониши хонандагон, иштирок дар озмунҳои мухталиф, зиракиву ҳушёрии сиёсии ҷавонон, истифодаи дурусти технологияи муосир, пешгирии шомилшавии ҷавонон ба ҳизбу ҳаракатҳои номатлуб, ҳифзи ватан ва фарҳанги либоспӯшӣ андешаҳои худро баён доштанд.

Ҳадаф аз баргузории ин воҳӯрӣ тарбияи шоистаи насли ҷавони созандаву бунёдкор мебошад.

Дафтари матбуот ва иттилооти Мақомоти иҷроияи ҳокимияти давлатии ноҳияи Бобоҷон Ғафуров