Озмуни ҷумҳуриявии «Тоҷикистон — Ватани азизи ман» соли ҳафтум аст, ки зери таваҷҷуҳ ва сарпарастии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади муаррифии фарҳанги волои миллати тоҷик, эҳёи санъати миллӣ ва тарғиби он, арҷгузорӣ ба санъату ҳунари аҷдодӣ, баланд бардоштани сатҳи касбии санъати мусиқӣ, навозандагӣ, сарояндагӣ, маҳорати касбии ҳунари мусаввирӣ, ҳайкалтарошӣ, ороишгарӣ ва либосдӯзӣ, интихоби намунаҳои беҳтарини оҳангу суруд ва асарҳои рассомӣ баргузор мешавад.

Бо дастури бевоситаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳаҷми маблағи мукофот барои ғолибони озмун ду баробар зиёд гардида, барои озмун аз Фонди захиравии Президенти Ҷумҳурии Тоҷикистон 7 680 000 (ҳафт миллиону шашсаду ҳаштод ҳазор) сомонӣ ҷудо карда шуд.

Ҳамин тавр, барандагони шоҳҷоиза бо 100 ҳазор сомонӣ, ғолибони ҷойҳои якум, дуюм ва сеюм мутаносибан 70 ҳазор, 50 ҳазор ва 30 ҳазор сомонӣ мукофотонида мешаванд.

Ҳамзамон бо ин, мувофиқи тағйироти имсола, дар озмун жанри академии номинатсияи навозандагӣ ба ду қисм ҷудо карда шуда, иқдоми мазкур ба довталабон имкон медиҳад, ки ҳунару истеъдоди худро дар навозиши созҳои миллӣ ва созҳои аврупоӣ нишон диҳанд.

Шумораи ҳамаи ғолибони ҷойҳои сеюм низ аз 2 ҷой ба 3 ҷой зиёд ва барои иштирокчиёни фаъолу соҳибзавқ имконияти бештари ба даст овардани ғолибият дода шуд.

Бинобар ин, дар соли 2025 шумораи ғолибон 137 нафарро ташкил медиҳад, ки нисбат ба соли гузашта 17 нафар зиёд мебошад.

Илова бар ин, дар сурати дар даври ҷумҳуриявии озмун сазовори ҷойҳои 1, 2, 3 ва ё Шоҳҷоиза гардидани хонандагон ва донишҷӯёне, ки дар муассисаҳои таълимӣ дар гурӯҳҳои пулакӣ таҳсил мекунанд, онҳо ба гурӯҳи ройгони таҳсил гузаронида мешаванд.

Матнҳо ва ҷузъиёти пурраи амрҳо дар сомонаи расмии Президенти Ҷумҳурии Тоҷикистон ҷой карда шудаанд.

khovar.tj

    Дар ҷаласаи Шурои ҳамоҳангсозии мақомоти ҳифзи ҳуқуқи ноҳияи Бобоҷон Ғафуров масъалаи «Рафти иҷрои Фармони Президенти Ҷумҳурии Тоҷикистон аз 01.06.2021, №187 «Дар бораи Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025» ва ошкоркунии ҷиноятҳои киберӣ дар давраи соли 2023 ва 11 моҳи соли 2024» мавриди баррасӣ қарор дода шуд.

         Тибқи Фармони Президенти Ҷумҳурии Тоҷикистон аз 4 декабри соли 2024, №882 интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқи вилоятҳо, шаҳру ноҳияҳо ва вакилони ҷамоатҳои шаҳрак ва деҳот санаи 2 марти соли 2025 ва интихоботи даъвати нави аъзои Маҷлиси миллии Маҷлиси Олии Ҷумҳурии Тоҷикистон санаи 28 марти соли 2025 муқаррар карда шудааст.

Санаи 11 декабри соли 2024 бо мақсади дар сатҳи зарурӣ баргузор гардидани маъракаи сиёсии интихоботи дар пешистода тибқи нақшаи тасдиқгардида намояндагони Комиссияи марказии интихобот ва раъйпурсии Ҷумҳурии Тоҷикистон якҷоя бо коршиносони маҳаллӣ бо масъулони баргузории интихобот дар ноҳияи Бобоҷон Ғафуров корҳои фаҳмондадиҳӣ баргузор намуданд.

Дар семинари омӯзишӣ Салимӣ Носирҷон – аъзои Комиссияи марказии интихобот ва раъйпурсии Ҷумҳурии Тоҷикистон ва коршиноси маҳаллӣ Шарифулло Абдуллозода иштирок ва суханронӣ намуданд.

Дафтари матбуот ва иттилооти Мақомоти иҷроияи ҳокимияти давлатии ноҳияи Б.Ғафуров.

Таҷлил

       Бахшида ба 30-юмин солгарди Ҳизби Халқии Демократии Тоҷикистон, дар толори Қасри фарҳанги ба номи Ҳайдар Усмони ноҳияи Бобоҷон Ғафуров бо иштироки масъулони Кумитаи иҷроияи Ҳизби Халқии Демократии Тоҷикистон дар ноҳияи Бобоҷон Ғафуров, вакилони Маҷлиси вакилони халқи ноҳия, собиқадорони ҳизб, роҳбарони ташкилотҳои ибтидоии ҳизбӣ, директорони муассисаҳои таълимӣ, ҷавонон, фаъолон ва дигар намояндагони касбу кори гуногун, чорабинии тантанавӣ таҳти унвони "Ҳизби Халқии Демократии Тоҷикистон - ифтихори мост!" баргузор гардид.